28.11.2024 Новости
У паэтаў часта пытаюцца, што натхняе іх на творчасць. Крыніц сапраўды шмат, адна з іх – таленавітыя вучні. Мы ганарымся нашымі паэтамі-настаўнікамі, якія на сваіх жыццёвых прыкладах вучаць дзяцей руплівасці, мэтанакіраванасці, выхоўваюць сапраўдных патрыётаў, улюбёных у сваю працу, пашыраюць межы ўспрыняцця хараства і непаўторнасці Сусвету!
Член-карэспандэнт Міжнароднай акадэміі навук педагагічнай адукацыі, прарэктар навукова-метадычнай работы ДУА «Брэсцкі абласны інстутут развіцця адукацыі», паэт, лаўрэат літаратурнай прэміі імя Ул. Калесніка Мікалай Кавалевіч правёў заняткі з высокаматываванымі і адоранымі вучнямі 10 класа Брэстчыны па рашэнні алімпіядных матэматычных задач. Напрыканцы знаходжання ў профільным аздараўляльным летніку – фота на памяць і нашы пажаданні поспехаў юным вундэркіндам!
Васіль Казачок разам з членам гуртка «Юны ганчар» сямікласнікам Пешка Максімам прыняў удзел у абласным конкурсе юных майстроў глінянай цацкі «Усё ў тваіх руках». Хлопчык атрымаў дыплом лаўрэата другой ступені!
Па інфармацыі Брэсцкага абласнога аддзялення
Саюза пісьменнікаў Беларусі
Больше новостей читайте в нашем телеграм-канале Союз писателей Беларуси