26.02.2025 З юбілеем!
26 лютага свой 60-гадовы юбілей сустрэла вядомая пісьменніца, паэтэса, кінарэжысёр Алена Турава.
Нарадзілася Алена Віктараўна ў 1965 г. у Мінску ў сям’і вядомага кінарэжысёра Віктара Турава. Скончыла філалагічны факультэт Белдзяржуніверсітэта (1987), курсы мастакоў-мультыплікатараў пры кінастудыі “Беларусьфільм” (1990). Працуе мастацкім кіраўніком студыі анімацыйных фільмаў кінастудыі “Беларусьфільм”.
З вершамі дэбютавала ў 1985 г. у газеце “Знамя юности”. Аўтар слоў многіх папулярных песень для кіно і эстрады, а таксама кніг для дзяцей “Рыжик в Зазеркалье” (2011), “Киндервилейское привидение” (2013), “Туфелька, полная незабудок” (2021) і іншых. Аўтар кінасцэнарыяў многіх анімацыйных фільмаў. Лаўрэат шэрагу літаратурных конкурсаў і фестываляў.
Калегі па творчасці віншуюць шаноўную Алену Віктараўну з высокім юбілеем, жадаюць моцнага здароўя, творчага даўгалецця і вялікага чалавечага шчасця!
Больше новостей читайте в нашем телеграм-канале Союз писателей Беларуси