16.04.2026 Новости
У музеі гісторыі г. Мінска прайшоў другі Міжнародны паэтычны конкурс “Увесь свет каля тваіх ног”, прысвечаны Году беларускай жанчыны.
Конкурс быў арганізаваны грамадскім аб’яднаннем “Беларускае таварыства інвалідаў” і падтрыманы Саюзам пісьменнікаў Беларусі. У фінале конкурсу прынялі ўдзел дзевятнаццаць паэтаў-інвалідаў з Беларусі і Расіі. А таксама 15 дэкламатараў паэзіі, якія таксама прадстаўлялі дзве краіны.
У складзе творчага журы працавалі члены Саюза пісьменнікаў Беларусі: страршыня сталічнага аддзялення СПБ, заслужаны дзеяч культуры Міхась Пазнякоў і мастацкі кіраўнік Тэатра паэзіі Вольга Багушыньска, якія таксама выступілі перад шматлікай аўдыторыяй. Вырашана, што гэты конкурс будзе праводзіцца штогод, з пашырэннем геаграфіі ўдзельнікаў і новымі намінацыямі.
Павел Кузьміч
Фота аўтара
Больше новостей читайте в нашем телеграм-канале Союз писателей Беларуси