19.06.2026 Новости
Сапраўдным падарункам для выхаванцаў Ільянскага дзіцячага сада на Вілейшчыне стала сустрэча з сучаснымі пісьменнікамі Міхасём Пазняковым і Інай Фраловай.
Міхась Паўлавіч распавёў пра сваё дзяцінства, пазнаёміў з некаторымі кнігамі. Дзеці адгадвалі загадкі, задавалі пытанні знакамітаму госцю.
Іна Фралова правяла літаратурную зарадку, зрабіла экскурс па старонках сваіх новых кніг, а пасля прапанавала маленькім землякам разам прыдумаць казачнае апавяданне.
Скончылася творчая сустрэча ў этнаграфічным музеі дзіцячага садка.
Другая сустрэча адбылася ў Літаратурным музеі Ільянскай школы імя Грымаця, дзе пісьменнікі таксама прадставілі свае кнігі, прачыталі творы.
Школьнікі ўключыліся ў размову пра літаратурны працэс і ролю пісьменніка ў сучасным грамадстве.
На добры ўспамін аб сустрэчы ў юных слухачоў засталіся кнігі з аўтарскімі подпісамі, а таксама сувеніры ад выдавецтва “Звязда”.
Ганна Старадуб
Больше новостей читайте в нашем телеграм-канале Союз писателей Беларуси